ملك المشويات .. الشيش طاووق الجامد

نبدأ بسم الله


فرخه مخليه
او اربع اوراك مخليين (بافضل الاوراك في الشوي)
نشيل الجلد ونقطعها مكعبات كبيره مش صغيره علشان مش تنشف
الربع على 3-4 قطع


التتبيله


في كوباية الخلاط نضرب
بصله صغيره
4-5 فصوص ثوم
نص معلقه صغيره جنزبيل
ربع معلقه كركم
معلقه كبيره ملح
نص فلفله خضرا بارده او معلقتين صلصة فلفل احمر بارد
كوباية صغيره لبن رايب او زبادي (بتطريها)
نص كوباية ميه
معلقتين ثلاثه زيت زيتون
لو بتحبوه حامي ممكن اضافة شطه او نقطتين هوت صوص


نضربهم مع بعض في الخلاط
ونصفيهم كويس علشان مش يتحرقوا مع الشوي


نحجز من التتبيله ربع كوبايه علشان ندهن بها اثناء الشوي


ننقع الفراخ في التتبيله مده لا تقل عن ساعتين ثلاثه والافضل قبلها بيوم


نرصهم في اسياخ خشب منقوعين قبلها في ميه مغليه
بالتبادل مع قطع بصل وطماطم وفلفل اخضر
نضع الشوايه على البوتاجاز لحد لما تسخن وندهنها بالزيت
ولما تسخن قوي نرص اسياخ الشيش طاووق
ونقلبها باستمرار وندهن بين فتره والتانيه بالتتبيله اللي حجزناها


بتاخد على الشوايه ساعه الاربع تقريبا وممكن اقل
وياسلااام لما تتشوي على الفحم .. خطييييره
=========

كده مافيش حد يشجع ولا يدوق اكلي ماشي مش هطبخلكم تاني

هذه الاكلة جامدة وجميلة وياريت نكرر من هذه الاكلات الجميلة .................وشكرا

اشكرك علي الاهتمام والتشجيع واوعدك بالمزيد